صيد الفوائد saaid.net
صيد الفوائد على الفيسبوك صيد الفوائد على التويتر
:: الرئيسيه :: :: العروض الدعوية :: :: اخبر صديقك :: :: اتصل بنا :: :: ساهم معنا :: :: البحث :: :: المكتبة ::
الرئيسة
الصفحات المميزة



الأنشطة الدعوية



سلسلة مقالات
حكايات الحجة (4)

سارة بنت محمد حسن



- على فكرة يابنتي
كل اللي يقول لا إله إلا الله كدة من غير محمد رسول الله يبقى مسلم يعني المسيحيين مسلمين
والأجنوستيك مسلمين
واليهود مسلمين
.
- شوفي يا حجة
أنا مش هقولك بني الإسلام على خمس أولها الشهادتين سوا سوا ..فاكراها دي كانوا بيدوهالنا في الحضانة
.
ومش هقولك أنك لو بس بتمري على المصحف بس مرور كدة يعني لا تدبر ولا تفسير هتلاقي في أدلة كثير جدا على أنه اللي مش هيشهد للنبي أنه نبي يبقى مش مسلم
.
ومش هقولك أن ربنا أخذ مواثيق الأنبياء أنه لما يأتي النبي محمد لازم هم نفسهم الأنبياء يؤمنوا بيه والله في القرآن
.
ومش هقولك أن النبي قال أحاديث كثيرة أوي أوي اشترط فيها أنهم يشهدوا الشهادتين وإلا يبقى مش مسلم
.
ومش هقولك أن قريش كانوا مستكبرين على النبي عشان كانوا عاوزين ملك أو حد غني أوي هو للي يكون نبي وبالتالي من أسباب تركهم للإسلام أن النبي هو سيدنا محمد رغم أنهم كانوا عارفين أنه نبي !! وبالتالي قاتلهم النبي على ذلك
.
ومش هقولك أن اللي يقول كدة أصلا يبقى مش مسلم لأن دي معلومة من الدين بالضرورة أي عيل صغير عارف أن المسلم نبيه محمد
طب المسيحيين نفسهم عارفين أن نبينا محمد ولو قلتي لهم أنت مسلم من غير ما تقول نبينا محمد هيقولك لا وألف لا
..
أنت أحسن حاجة أقولهالك يا حجة
سكتك زراعي من غير كورنيش أو صحرواي من غير مية
أصلها مش ناقصاك بصراحة
ولو أن كل كلب عوى ألقمته حجرا .....لصارت الأحجار مثقال بدينار

----------------------------

حكايات الحجة
- النهاردة مش هعمل مشاكل انا هسأل سؤال
يعني أيه توحيد يابنتي؟؟

- التوحيد يا حجة

يعني ربنا هو الملك يحكم ما يشاء يشرع ما يشاء افعل ولا تفعل ..تقول يارب سمعنا وأطعنا
.
يعني ربنا هو الخالق الرازق...بيده وحده لا سواه مقاليد الأمور والأرزاق كلها
.
يعني ربنا هو المدبر لكل صغيرة في الكون وكبيرة ..ياالله! سبحانك عظيم حكيم قادر
.
يعني شرع ربنا على راسي من فوق وفي قلبي ...أقيم شرع الله في نفسي وأهلي وبيتي ومالي وأدعو إلى إقامته في بلادي في كل وقت وحين
.
يعني أعرف أن ربنا قوي عظيم علي كبير ليس كمثله شيء وهو السميع البصير معبدش غيره ومدعيش غيره ولما الدنيا تسود أو تبيض قلبي ميتعلقش بغيره
.
يعني ربنا وحده في قلبي وهو مقصودي بعملي
.
لا إله إلا الله وحده لا شريك له له الملك وله الحمد وهو على كل شيء قدير
.
وأشهد أن محمدا عبده ورسوله أكمل الله به الرسل وجعل شرعيته أكمل الشرائع وأنزل عليه القرآن شفاء للأرواح من كل شبهة وشهوة
من تمسك بغرسه نجا ومن رام الهدى في غير دينه ضل سعيه وما اهتدى
اللهم توفنا مسلمين على التوحيد الخالص متبعين غير مبتدعين

 

اعداد الصفحة للطباعة           
ارسل هذه الصفحة الى صديقك
سارة بنت محمد
  • الأسرة
  • وسائل دعوية
  • درر وفوائد وفرائد
  • تربية الطفل المسلم
  • قضايا معاصرة
  • عقيدة
  • رقائق
  • الصفحة الرئيسية
  • ملتقى الداعيات
  • للنساء فقط
  • مواقع اسلامية