صيد الفوائد saaid.net
صيد الفوائد على الفيسبوك صيد الفوائد على التويتر
:: الرئيسيه :: :: العروض الدعوية :: :: اخبر صديقك :: :: اتصل بنا :: :: ساهم معنا :: :: البحث :: :: المكتبة ::
الرئيسة
الصفحات المميزة



الأنشطة الدعوية



سلسلة مقالات
حكايات الحجة (5)

سارة بنت محمد حسن


حكايات الحجة

-- قوم أيييييه
المسيحيين بيحتفلوا بعيد ميلاد الرب (تعالى الملك عن ذلك) ...عقيدة عندهم. صح؟
- - أه صح
-- بغض النظر عن اختلافهم في التاريخ 25 ديسمبر أو 7 يناير لأشهر طائفتين (الشرقيين والغربيين)؟؟
- - مظبوط
-- قوم أيييييييه دي عقيدة هه متفقين ؟؟
- - اه يا ستي انجزي
قوم أيييييه المسيحيين تبعا لاحتفالهم بعيد ميلاد الرب (تعالى الملك عن ذلك) بيحتفلوا بأعياد ميلادهم ..منطقي ..صح؟؟
- - هااااا صح قلنا...وربنا هزعلك خلصي
-- طب خلاص أنا هقول أهو متزقيش
وصلنا للحتة اللي فيها البهاريز بقة
الاحتفال ده عقدي والاحتفال بأعياد الميلاد عند المسيحيين عقدي تابع لعقيدة عندهم أصلا
يبقى التشبه في الاحتفال بأعياد الميلاد محرم تحريم مؤبد
لو عمت بيه البلوى في بلاد المسلمين (يعني بقى فيه ناس كثير بتعمله) برضه هيفضل حرام.... ليه؟
لأن أصله عقدي عند المسيحيين
والحاجة اللي أصلها عقدي عند أي حد غير المسلمين مينفعش نتشبه بيها فيهم باتا بتوتا بتتون بتتان وكل مصطلحات البت والمنع .. مهما حصل
.
فهمتي يا حااااجة؟؟
.
يبقى إذن :
لا تهنئي حد بعيد الميلاد من أول المناسبة العقدية عند المسيحيين لحد عيد ميلاد صاحبتي وجارتي وأختي وعمتي وووو
ولا تشاركي فيه ولا تروحيه ولا تتحايلي على الشرع وتعملي نفسك مش بتحتفلي بعيد الميلاد وتعمليه قبلها بيوم ولا بس ياوب حاجة حلوة على الضيق ولا على الواسع ولا على المقاس حتى
ولا تسميه بغير اسمه وتقولي ده يوم ميلاد مش عيد ولا حاجة
بتضحكي على مين يا حاجة؟؟
يعلم السر وأخفى
ألا يعلم من خلق؟؟
..
استني مخلصتش كلام
ولا تكتبي على الفيس والواتس والذي منه" من كام سنة اتولدت ولا من كام سنة ولدت الواد ولا البت أل يعني مش قاصدة حاجة ..اتلهي في عمل صالح يدخلك الجنة بدل مانت فرحانة بحاجة مش بإيدك أصلا بل ....
.
لا مؤاخذة يعني مش قصدي أنكد عليك كل سنة بتعدي عليك معناها في الواقع والحقيقة أنك قربتي من الموت ..
.
السلف كانوا بيقولوا ليت أمي لم تلدني ..دي ناس فاهمة
كانوا بيهتموا بتاريخ وفاة الشخص عشان قدم شيء في حياته لدينه ودنياه واحنا مهتمين بموعد الميلاد عشان لامؤاخذة مفيش حاجة نقدمها غير أننا نقول "نحن هنا" ؟؟
علمي ولادك حاجة عدلة تنفعهم بدل مانت عمالة لوك لوك ملهوش فايدة ..وفيه ذنوب بس
وكفاية كدة عليك



حكايات الحجة

-- تعالي اشربي معايا قهوة أصلي عاوزة أحكيلك على فلانة واللي عملته
-- يا حجة لا يجوز غيبة حرام كبيرة من الكبائر

-- هو أنا هقول حاجة غلط يا بنتي؟؟ أنا هقول اللي فيها
يا حجة لو كلامك عليها صح غيبة لو غلط بهتان

-- يابنتي أنا هقوله في وشها
-- يا حجة من وراها غيبة وفي وشها أذية وذنب برضه

-- طب روحي أنا هدور على حد غيرك أفضفض معاه

عن فنجان قهوة الحريم لما يكون من غير رادع من تقوى ودين

==================

حكايات الحجة

-- تعالي شوفي ..معرفتيش اللي عملته : مرات أخويا / أخت زوجي / جارتي / بنت خالة جدة عمة أبويا.....والخ الخ =D

-- يا حجة دي غيبة أو بهتان

-- غيبة ليه وأنت تعرفيها؟؟ أنا مفلتش اسمها / أنت مشفتيهاش قبل كدة

-- يا حجة ده معين أنت عينتي صفتها ولو شفتها هعرف هي مين

طب قولي لي يا حجة : لو أنا عينتك بصفتك واتكلمت عليك أدام واحدة من غير ما أذكر اسمك لكن ذكرت صفتك وقابلتيها وشفتي في عينها أنها عارفة عنك شيء وحش (غيبة) أو أنها بتنظر لك نظرة غريبة لو كانت سمعت عنك (بهتان)

يبقى كدة هتبقي مبسوطة يا حجة؟؟

قال النبي صلى الله عليه وسلم:" وهل يكب الناس على مناخرهم في النار إلا حصائد ألسنتهم"

===============

حكايات الحجة

- يابنتي المايوه الإسلامي ينفع للمحجبات أمام الرجال
ده أحسن من الجلاليب اللي كانوا بينزلوا بيها البحر وبتبين كل حاجة

طب قولي هااااا هااااااا أنهي منظر أستر؟؟

-- الاثنين غلط يا حجة

بيحطوك في خيار بين السيء والأسوأ فتختار السيء وتقر المنكر وتاخد ذنب من غير ما تعمله
استقبحي وقولي بلسانك ده غلط وعلمي ولادك أن ده غلط مش يبقى منكر وإقرار ويطول علينا العهد ويبقى هو ده الصح

اللهم إنا نعوذ بك من إثم إقرار المنكرات

استقبحوا المنكر ده أضعف الإيمان ومفيش بعده حبة خردل من إيمان

 

اعداد الصفحة للطباعة           
ارسل هذه الصفحة الى صديقك
سارة بنت محمد
  • الأسرة
  • وسائل دعوية
  • درر وفوائد وفرائد
  • تربية الطفل المسلم
  • قضايا معاصرة
  • عقيدة
  • رقائق
  • الصفحة الرئيسية
  • ملتقى الداعيات
  • للنساء فقط
  • مواقع اسلامية