صيد الفوائد saaid.net
:: الرئيسيه :: :: المكتبة :: :: اتصل بنا :: :: البحث ::







فاصل

سارة بنت محمد حسن


فاصل عشان جمعة وسبت نراجع الي فات ونركز ونفهم الي جاي ان شاء الله

⬅️ موضوع الطاقة الحيوية والكونية مهواش الطاقة الي نعرفها في الفيزيا والكيميا...ولا هو مثبت علميا ..دي حاجة اصلها تفسير وثني لظواهر بتحصل
وده الي لسة هنثبته ونتكلم فيه

⬅️ احنا لا ننكر انه فيه ظواهر بتحصل
وان فيه مواد بتعالج ودي اسباب حسية ..وفيه علاجات روحانية كمان مش حسية
👈 لكن بنقول العلاج العلمي لازم يكون محسوس
والعلاج الروحاني لازم يكون مشروع بالقران والسنة
👈 وبنقول لو استخدمنا سبب مش علمي ...ده هيبقى سبب روحاني او سبب مش علمي...فلازم نشترط انه يكون سبب شرعي
والا فالقاعدة شرعا انه :
🌸اتخاذ سبب ليس بحسي ولا شرعي فهو شرك او ذريعة للشرك🌸

⬅️ احنا معندناش مشكلة نستفيد من اسباب حسية واضحة سواء جت من الغرب او الشرق...لكن منخلطهاش بعقائد وثنية ونقول الحكمة ضالة المؤمن
👈 غلط الوثنية مش ايمان ولا هتكون ايمان

⬅️ احنا مش بننكر ان فيه ظواهر اب نورمال...بس معترضين على تفسيرها بعقيدة وثنية

⬅️ الحسد والعين والسحر والشياطين وووو كلها قوى معينة بتؤثر اذا شاء ربنا
اعتقادنا فيها كمسلمين انها امور بلاء خلقها الله ابتلاء لينا
مش صح افسرها انها طاقة سلبية
والانيل اني احاول اتحكم فيها بممارسة طقوس وثنية!
ده شرك
السحر له تاثير وبيجيب نتايج بس هو كفر وشرك ومحرم
وهتشوفوا ان معتقد الطاقة واستشعارها والهالة وووو دي اصول بيعتمد عليها السحرة وانها ضمن عقيدة الكابالا او القبالا طايفة يهودية بتمارس السحر...وعشان كدة بتوع الطاقة بيتالفوا مع التصوف الاسلامي جدا لان بعض طوايف التصوف فيه نفس المعتقدات دي

⬅️الاسلمة خطر كبير ...مخاولة لوي نصوص الدين عشان نثبت بيها شعوذة الطاقة خطر كبير لانه التقول على الله بغير علم حرام جدا ...ازاي افسر كلام الله وكلام الرسول بغير مرتده
الشبهة اتسمت شبهة لانها بتشبه الحق من وجه في حين انها باطل

⬅️احنا مش معترضين على الاستفادة من اي مهارات حسية معتمدة على حاجات علمية او نفسبة ودراسات .....اما الشق الروحاني فيكفينا الاسلام ...كفاية القران والرقية ...مش هفسر الشفاء الي ربنا جعله في كلامه بالرقيى بيه بانه طاقة واعتمد على معتقد وثني مش علمي ...مش هفسر معجزات الانبياء انها قدرة على التحكم في الطاقة ! مينفعش اقول على كرامة زي كرامة سبدنا عمر في قصة يا سارية الجبل انها تليباثي!!
كدة بنغرغ الدين من مضمونه وبننفي وجود ربنا من غير ما نحس...كفاية الطاقة وظبط طاقتك واتحكم هتبقى احسن من الاولياء والانبياء بقى .... وبالكثير لو هناسلمها هتتحول عبادتك لاستهداف انك يبقى عندك طاقة عشان تتحكم !!
ده تفريغ للدين من الحق الي فيه ومن مضمونه ...كفر وشرك بيتوغل فينا ...واقل احواله دروشة تنشر التصوف المذموم بدل السنة

👈الحاجات دي بتسلخ الانسان من دينه يا جماعة ...دي بتضرب العقيدة
ده غير انه من مدربين الطاقة من يطعن في الثوابت زي احمد عمارة ولسة هنفرد لمصايبه سلسلة

اجازة جمعة وسبت ...عيدوا فيها القراءة من اول الي نزلته في القناة...استعينوا بالله واطلبوا منه التوفيق للحق...اللهم أمتنا على الإسلام ..على التوحيد
اللهم اجنبني وبني ان نعبد الاصنام



لقراءة المقالات السابقة اشترك في
قناة التنمية البشرية
https://telegram.me/A_T_B



 

اعداد الصفحة للطباعة      
ارسل هذه الصفحة الى صديقك
سارة بنت محمد
  • الأسرة
  • وسائل دعوية
  • درر وفوائد وفرائد
  • تربية الطفل المسلم
  • قضايا معاصرة
  • عقيدة
  • رقائق
  • الصفحة الرئيسية
  • ملتقى الداعيات
  • للنساء فقط