صيد الفوائد saaid.net
:: الرئيسيه :: :: المكتبة :: :: اتصل بنا :: :: البحث ::







تصوير كيرليان

سارة بنت محمد حسن


وجعوا دماغنا ان موضوع الهالة والطاقة ثابت علميا...طب فين العلم ده؟؟

😒 انت متعرفش جهاز كيرليان العالم الروسي الي اخترع عام 1939 جهاز بيصور الهالة وده ساهم جدا في معرفة مزاج المريض وحالة مرضه

😂😂😂
اوكيه انا ماشي معاك
انت لما بتروح مستشفى بيصوروك بجهاز كيرليان؟
-لا
- ليييه؟؟ 😂😂

دانت ممكن تتعصر وينفضوا فلوسك في اشاعات
ليه جهاز كيرليان لا؟؟
اقولك ليه
لان جهاز كيرليان كان تجربة فعلا حاول فيها العالم ده يكتشف شيء بناء على ملاحظة
لكن الاوساط العلمية معترفتش بجهازه ولا بنتايجه وقاله ان الي بيظهر في الصور ده لا هالة ولا طاقة ولا شيء ده نتيجة مرور الجهد الكهربي في الجسم الموصل للكهربا ومتاثر بعوامل الرطوبة والغازات في الجو وووو

انت مكنتش تعرف الكلام ده لانك اصلا محولتش تفهم طريقة عمل الجهاز ولا فاهم الجدل العلمي عليه....
مش حابين نكون ناس سهل ينضحك عليها ويصدقوا اي وصفة جهاز كفتة....كفاية ميصحش المسلم يبقى اضحوكة العالم

واعرفوا ان جهاز كيرليان ده لو كان له نتايج علمية محترمة في الوسط العلمي كان انتشر في المستشفيات كوسيلة لتحديد الامراض فعلا

يبقى الخيط الي بيتمسكوا بيه عشان يثبتوا ان الهالة والطاقة علم خيط اضعف من خيط العنكبوت

شوية منطقية وعقل
يتبع ان شاء الله
🌸 سوار الطاقة 🌸

هل فعلا المواد زي الكريستال وغيره لهم تأثير بيبث الطاقة الايجابية او يسحب الطاقة السلبية ويديك شعور بالراحة او التوازن؟ 🤔

هقولكم معلومة خطيرة جدا.....عارفين زمان كان فيه تمائم من احجار..والمصريين القدماء الى المصريين الحدثاء 😂 بيهتموا بالاحجار الزرقا باعتبار انها بتدفع العين

طبعا كل ده بيتفسر عند بتوع الطاقة بدفع الطاقة السلبية 😂

بس في الشرع بيتفسر أنه تمائم ومعلقات وانه الي يثق فيها بنفسها اشرك شرك اكبر ..والي متخذها باعتبارها سبب فهو مشرك شرك اصغر 😱
اي كتيب عقيدة هتلاقي فيه الكلام ده بالادلة والشرح

ممكن تقولولي ايه الفرق بين حجر ازرق لدفع العين او ورقة مكتوب عليها تعازيم لدفع عين او لجلب محبة او ...هرم كريستال لجذب الطاقة الايجابية ..او سوار طاقة للتوازن..او حلق او حلية فيها جوهرة معينة مع اعتقاد تاثيرها في طاقتك ودفع طاقة سلبية وحذب طاقة ايجابية؟؟ 🙄

الجواب: مفيش اي فرق للاسف 😓

والعلاج بالكريستال بالشكل ده شرك 😱
استر يارب

طب ماهم بيعالجوا بالكيموثيرابي يعافينا الله...الي هو الكيماوي والاشعاع
ايه الفرق؟🤔
الفرق ببساطة انه المستشفيات مليانة اقسام العلاج والاشعة بالمواد الي لها سبب "حسي" في العلاج ...معروف اثره واعراضه الجانبية وتاثيره وفيه دراسات واثر علاجي
عمركم شفتم في مستشفى محترمة قسم لعلاج الامراض من البرد للسرطان بالكريستال؟
لا 😒
ولا هتشوفوا...عشان ده دجل وشعوذة لا علم ولا طب ولا هندسة
اذا مسحبش فلوسك وسفه عقلك ...فقد اصاب دينك بخلل 😔

رب أحيينا على التوحيد وأمتنا على التوحيد



لقراءة المقالات السابقة اشترك في
قناة التنمية البشرية
https://telegram.me/A_T_B



 

اعداد الصفحة للطباعة      
ارسل هذه الصفحة الى صديقك
سارة بنت محمد
  • الأسرة
  • وسائل دعوية
  • درر وفوائد وفرائد
  • تربية الطفل المسلم
  • قضايا معاصرة
  • عقيدة
  • رقائق
  • الصفحة الرئيسية
  • ملتقى الداعيات
  • للنساء فقط