صيد الفوائد saaid.net
صيد الفوائد على الفيسبوك صيد الفوائد على التويتر
:: الرئيسيه :: :: العروض الدعوية :: :: اخبر صديقك :: :: اتصل بنا :: :: ساهم معنا :: :: البحث :: :: المكتبة ::
الرئيسة
الصفحات المميزة



الأنشطة الدعوية



السجود لتفريغ الطاقة السلبية

سارة بنت محمد حسن


😊: لاهو انت متعرفيش انه فيه حاجة اسمها كهربا استاتيكية
الكهربا دي بقة بتقفل المزاج
وكمان موجات الموبايل ووو بتملاك طاقة سلبية

😏: حضرتك طاقة سلبية ولا كهربا استاتيكية؟؟!

😊: متفرقش

😏: لا تفرق

😊: يووووه استني سيبيني اكمل

😏: كملي يا حجة

😊: لما بتسجدي بقى وتحطي راسك على الارض عريانة.. اثبت العلم انه الطاقة السلبية الكهرومغناطيسية الاستاتيكية بتتفرغ من جسمك وبتخرج منك
سبحااان الله! شوفوا دينا جمييييل ازاااي ...شوفوا الاعجااااز العلمي

😏: خلصتي؟
😊: اه خلصت

😏: ركزي بقى في الي هقولهولك ده 😂😂
1- الدين بتاعتا جميل وثابت وحق سواء اثبتناه علميا او معندناش اثبات علمي...احنا ايماننا بالاسلام مبني على شواهد متينة ...مش كلمة تودينا وكلمة تجيبنا

2- الكهربا الاستاتيكية ملهاش علاقة بالطاقة السلبية والايجابية..انا بفرغ الشحنة بتاعت الكهربا الاستاتيكية عشان مكهربش حد باني اخلع ولو فردة حذاء والمس الارض حافية..او المس الحيطة بطرف صوابع ايدي عريانة!
فانت عيب تصدقي الكلام ده

3- هتعملي ايه اما تعرفي ان النبي صلى الله عليه وسلم كان بيصلي على خمرة يعني حاجة زي قماش تتحط عشان يسجد عليها؟!

4- متقوليش ادام حد طاقة سلبية كهرومغناطيسية استاتيكية عشان احنا بقينا اضحوكة العالم 😂😂 مفيش حاجة كدة

5- الطاقة السلبية دي حاجة روحانية
وقلنا لم تثبت علميا
الكهربا الاستاتيكية مش بتتفرغ بعملية روحانية ...ده بقولك مجرد لمسك الارض او حيطة باي حتة عارية من جسمك بتفرغ الشجنة...اصلا لو سلمتي على حد بنتفرغ الشحنة دي...واصلا مرتبطة بعوامل فيزيائية..انك تدوسي على عازل زي سجاد او تلبسي حذاء عازل وتمشي شوية ..والجو بيؤثر في الكلام ده..ملهوش علاقة بافتكاساات طاقة حضرتك الروحية....وسبب ان حضرتك بتكهربي غيرك اختلاف الشحنات..ومش فارق طاقته الروحية ايه
كل ده علمي ...متلزقوش طاقة الين واليانج فيها ...هو مش سمك لبن تمر هندي 😂😂

😊: طب وايه المانع انه يكون الطاقة السلبية بتيحي من الاستاتيكية او انهم واحد؟

😏: قولي ايه الاثبات على الكلام ده...لما نثبته هنصدقه...انما قبل كدة لا مش هنصدقه

😊: يعني الكلام ده غلط؟

😏: ايوة غلط...ومش عشان انت مبهورة وبتبسمي ابتسامة لطيفة هصدقك...مش عشان انت بتتكلمي بهدوء وثقة اصدقك 😂😂
الصلاة دي عبادة ...لو استحضرت فيها اني بسجد عشان الطاقة ..الي هي معتقد وثني...يبقى بحول الصلاة من شعيرة اسلامية تعبدية لله ...لطقس وثني مبني على معتقد وثني

🌹انا عارفة انكم متعرفوش ويارب يغفر لنا كلنا ما نعلم وما لا نعلم...عشان كدة عملنا القناة دي عشان نشرح ان ده غلط


لقراءة المقالات السابقة اشترك في
قناة التنمية البشرية
https://telegram.me/A_T_B



 

اعداد الصفحة للطباعة           
ارسل هذه الصفحة الى صديقك
سارة بنت محمد
  • الأسرة
  • وسائل دعوية
  • درر وفوائد وفرائد
  • تربية الطفل المسلم
  • قضايا معاصرة
  • عقيدة
  • رقائق
  • الصفحة الرئيسية
  • ملتقى الداعيات
  • للنساء فقط
  • مواقع اسلامية